DI L’OPRA DI LI PUPI SICILIANI
ILLUSTRAZZIUNI DI L’OPRA DE PUPI SICILIANI
S’attròvanu assai quatri, illustrazzioni e stampi stòrichi ca rapprisèntanu li storî e li pirsunaggi dû tiatru dî pupi siciliani Oltri ê stissi pupi, l’avvinturi cavallireschi dî pupi siciliani hannu ispiratu artisti ntô cursu dî sèculi, chi hannu mmortalizzatu li fatti èpichi di Orlannu, Rinaldu, Angelica e di l’àutri pirsunaggi attraversu vari menzi di sprissioni. Pitturi, ‘ncisuri e illustraturi purtaru â vita sceni di battagghia, duelli eroici e mumenti drammàtici, ajutannu a diffùnniri l’immagginazzioni ligati a l’Opera dei Pupi macari fora dâ rapprisintazzioni tiatrali. Li stampi pupulari, spissu accumpagnati di didascalii o testi spiegativi, pirmitteru di trasmèttiri li storii e li valuri dâ tradizzioni cavalleresca a nu pubblicu cchiù granni, mentri li dipinti e l’affrischi arricchieru li palazzi e li tiatri, rindennu omaggiu a chista forma d’arti unica.
- MANIFESTI ILLUSTRATI PI LI TIATRI DI L’OPRA DE PUPI
- Li tiatri dî pupi èrunu accumpagnati di manifesti illustrati e pittati ca pubblicizzavunu li sceni dî spittaculi. Sti cartelli, chiamati “cartelli”, erunu veri manifesti di l’èbbica, fatti cu culura lustri pi attirari l’attinzioni dô pùbblicu.
- Raffiguravunu mumenti chiavi dâ storia, comu battagghi epichi, duelli tra cavaleri, mumenti rumàntici e sceni màggichi, cu dittagghi ca enfatizzavunu lu dramma e l’eroismu dî pirsunaggi.
2. DIPINTI PUPULARI SICILIANI
- Tanti artisti pupulari siciliani hannu rapprisintatu episodi di cunti cavallireschi, pigghiannu ispirazzioni dû folklori e dî tradizzioni lucali
- Sti dipinti, spissu caratterizzati di nu forti stili narrativu e di culura ntensi, addicuravanu casi e posti d’incontru, mantinennu viva la liggenna dê paladini attraversu l’arti visiva.
3. CARROZZI E CARRETTI SICLIANI DICURATI
- Li carretti siciliani, sìmmulu icònicu dâ cultura siciliana, èranu dicurati cu sceni di l’avvinturi dî pupi
- Li rapprisintazzioni supra li carretti cumprinnìanu episodi di duelli, scontri tra cristiani e saracini e mumenti màggici, cu Orlandu, Angelica, Rinaldu e àutri pirsunaggi comu prutagunisti.
4. IILLUSTRAZZIONI PER LIBRI DI CUNTI CAVALLERISCHI
- Li puisìi cavallerischi, comu Orlannu Furiusu di Luduvicu Ariostu e Gerusalemmi Libbirata di Turquatu Tassu, ca ispiraru assai cunti di pupi, foru illustrati ntô tempu di vari artisti
- Puru si nun sempri lijati direttamenti ê pupi, sti illustrazzioni hannu statu spissu rintirpritati ntê tiatri di pupi siciliani, ca li pigghiaru comu mudelli visivi.
5. DIPINTURI MURALI E DECORAZZIONI TIATRALI
- Ntê tiatri dî pupi e ntê labburatori dî pupi, si ponnu attruvari spissu dipinti murali ca rapprisèntanu li sceni principali dî stòrii. Sti dicurazzioni sunu quarchi vota pittati a manu e mustranu pirsunaggi o battagghi pi mmirgiri li spittaturi nta l’ambienti cavallerescu.
- Macari l’ali tiatrali (sfondi pittati usati comu paisaggiu pê marionetti) sunu òpiri d’arti ca raffiguranu casteḍḍi, furesti e ambienti epici.
6. PITTURI E STAMPI CONTEMPURANÌI
- Li quatri a tema dî pupi siciliani àppiru nu rolu mpurtanti ntâ diffusioni dâ cultura cavalliresca e ntâ mmagginazzioni pupulari siciliana Pi menzu di sti elimenti visivi l’epopea dî paladini vinni trasmissa e cilibbrata puru fora dî tiatri dî pupi, trasennu ntâ vita cutidiana dî genti addivintannu na parti nseparabbili di l’idintitati culturali dâ Sicilia
7 . CIRAMICA ARTISTICA
- N Sicilia, terra dâ ciràmica artìstica, tanti artisti crìanu pirsunaggi vari, di misuri diversi, di l’Opira dî Pupi.
8.PASTICCERI SICILIANI
- L’usanza ‘n Sicilia è di cilibbrari la festa dî morti lu 2 di nuvèmmiru arrigalannu jòcura e duci ê picciriddi. Tra chisti, lu duci cchiù apprizzatu è la riproduzzioni zùccara d’arcuni paladini dû tiatru dî pupi siciliani
